Instagram özünün TikTok rəqibi Reels servisini işə salmağa hazırlaşır

Instagram özünün TikTok rəqibi Reels servisini işə salmağa hazırlaşır

Sosial Media
18.07.2020 PAYLAŞIM

    Instagram-ın TikTok rəqibini hazırladığı barəsində məlumat çoxdan gəzirdi. İndi isə məşhur fotoservis Reels adlı servisi ABŞ-da və digər ölkələrdə işə salacağını elan edib. Bu barədə Techcrunch saytı xəbər verib. Reels servisi Instagram-ın əsas tətbiqi çərçivəsində işə salınacaq. Bu servis vasitəsilə istifadəçilər hər hansı bir musiqiyə və ya digər səslərə sahib 15 saniyəlik vdeolar çəkə biləcəklər. Bununla yanaşı istifadəçilər Reels servisində videoların redaktə olunması üçün müxtəlif alətlərə də sahib olacaqlar.

    Buna misal olaraq filtrləri, videonun sürətinin tənzimlənməsini və s. gətirmək olar. Qeyd etmək lazımdır ki, Reels bir neçə ay ərzində Braziliyada, Fransada və Almaniyada test olunub. İndi isə şirkət servisin istifadə regionlarını genişləndirib. Sözügedən servisin avqust ayının əvvəlində ABŞ-da və digər ölkələrdə işə salınacağına söz verilib. Lakin siyahıda hansı ölkələrin olacağı barəsində məlumat verilməyib. Bundan əlavə olaraq servisin konkret olaraq hansı tarixdə istifadəyə veriləcəyi də bildirilməyib.


    Bəzi mənbələrin verdikləri məlumatlara əsasən yaxın həftələrdə Reels 50 ölkədə istifadəyə veriləcək. Görünür, Instagram sözügedən servisi TikTok-un Hindistanda bloklanması fonunda tez bir zamanda istifadəyə vermək istəyir. Qeyd etmək lazımdır ki, TikTok həmçinin ABŞ-da da bloklana bilər. Bir neçə müddət bundan öncə Donald Trump administrasiyası bildirmişdi ki, onlar milli təhlükəsizlik məsələsi səbəbilə TikTok-u ABŞ-da bloklamaq fikrini nəzərdən keçirdirlər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Videoçat platforması olan Microsoft Teams-in pulsuz versiyası istifadəyə verilib..

Məşhur korporativ platforma olan Microsoft Teams-in fərdi istifadə üçün nəzərdə tutulmuş pulsuz vers..


Instagram-ın desktop versiyası vasitəsilə fotoservisə postların əlavə edilməsi f..

Alessandro Paluzzi adlı tərtibatçı aşkar edib ki, Instagram tərtibatçıları desktop versiya vasitəsil..


Ən çox konfidensial məlumat yığan servislərin reytinqi tərtib olunub

Apple sayəsində iOS istifadəçiləri bu və ya digər tətbiqin hansı konfidensial məlumatları yığdığını ..


Almaniya hökuməti Facebook-a Whatsapp istifadəçilərinin məlumatlarını yığmağı qa..

Almaniya dünyada ilk dəfə Facebook-un Whatsapp istifadəçilərinin məlumatlarını yığmasını qanun səviy..


Whatsapp-ın yeni konfidensiallıq qaydalarını qəbul etməmiş istifadəçi hesabları ..

Son zamanlarda Whatsapp messenceri yeni konfidensiallıq siyasətinə görə sərt şəkildə tənqid olunur. ..


Clubhouse-un Android versiyası bəzi istifadəçilər üçün təqdim olunub

iOS-də istifadəyə verilməsindən 1 il sonra Clubhouse sosial şəbəkəsi sonunda Android üçün təqdim olu..

×