Twitter, ağcaqanadı təhdid edən və daha sonra onun ölü vəziyyətinin fotosunu paylaşan yaponiyalı şəxsin səhifəsini ömürlük block edib.

Hər şey 20 Avqust tarixində baş verib. @nemuismywife ləqəbli yaponiyalı Twitter istifadəçisi, televizor izlədiyi zaman ağcaqanad onu bir neçə dəfə dişləyib. Həmin şəxs, ağcaqanadı öldürərək növbəti tweet-i paylaşıb: “Mən televizora baxan və istirahət etməyə çalışan zaman sən məni dişləməklə nəyə nail oldun? Öl! (bir tərəfdən sən artıq ölmüsən)”. Bununla yanaşı o, ölmüş ağcaqanadın fotosunu da paylaşmışdı. Bir neçə müddətdən sonra isə o, Twitter-in administrasiyasından məktub aldı. Həmin məktubda onun Twitter səhifəsinin ömürlük block olunduğu bildirilmişdi. Daha sonra yaponiyalı şəxs, @DaydreamMatcha adlı yeni səhifə yaradaraq sosial şəbəkəni tənqid etmişdi. “Mən, ağcaqanadı öldürdüyümü bildirəndən sonra mənim səhifəm ömürlük block olundu. Bu qayda pozuntusudur?” – deyə o bildirmişdi. Ola  bilər ki, həmin tweet, sosial şəbəkə tərəfindən yenicə istifadəyə verilmiş xüsusi alqoritm tərəfindən aşkar edilmişdi. Həmin alqoritm isə istənilən istifadəçinin aqressiv davranışını təyin etmək üçün nəzərdə tutulub.

Bənzər xəbər

#4noyabr rəsmi səhifəsi 'hack' edildi! (AÇIQLAMA)