Apple süni intellekt xərclərini hələlik iCloud+ abunəlikləri ilə qarşılamağı planlaşdırır

    Apple süni intellekt xidmətlərinin istifadəsindən yaranan hesablama xərclərini azaltmaq üçün iCloud+ abunəliklərindən istifadə etməyi planlaşdırır. Şirkətin hazırkı yanaşmasına əsasən, istifadəçilərin süni intellekt imkanlarından gündəlik istifadə limitləri sahib olduqları iCloud+ paketinə uyğun olaraq müəyyənləşdiriləcək.

   Apple cihaz üzərində işləyən süni intellekt funksiyalarına üstünlük versə də, daha mürəkkəb sorğuların emalı üçün şirkətin Private Cloud Compute serverlərindən istifadə olunur. Bu infrastrukturun işlədilməsi isə Apple üçün əlavə xərclər yaradır.

    Şirkətin baş direktoru Tim Cook Apple-ın üçüncü maliyyə rübü üzrə hesabat konfransında süni intellektin hesablama xərcləri ilə bağlı sualı cavablandırarkən bildirib ki, şirkətin bu xərclərin necə qarşılanacağı ilə bağlı hələ yekun planı yoxdur. Cook qeyd edib ki, iOS 27-də süni intellekt funksiyalarının beta testləri hazırda yaxşı nəticələr göstərir, lakin sistemin hesablama xərclərinin gələcəkdə necə formalaşacağı hələ tam məlum deyil.

    Cook-un açıqlamalarından məlum olub ki, süni intellektdən gündəlik istifadə limitləri iCloud+ abunəlik səviyyələri ilə əlaqələndiriləcək. Bununla belə, hansı paketə nə qədər istifadə limiti təqdim ediləcəyi hələ açıqlanmayıb.