ByteDance şirkəti TikTok-u amerikalılara satmaq niyyətində deyil

Sosial Media

26.04.2024

Farid

Dünən məlum oldu ki, ABŞ prezidenti Joe Biden, TikTok-un ABŞ ərazisində bloklanmasına istiqamətlənmiş qanun layihəsinin sənədini imzalayıb. ABŞ prezidenti tərəfindən imzalanmış qanun layihəsinə əsasən TikTok-un sahibi olan ByteDance şirkəti servisi 270 gün ərzində satmalıdır. Əks halda servis ABŞ ərazisində bloklanacaq. Lakin görünür, ByteDance öz məşhur servisini satmaq niyyətində deyil. Belə ki, Reuters saytının 4 anonim mənbəsinin vermiş olduğu məlumata əsasən TikTok-un ABŞ ərazisində bloklanma qərarı ilə mübarizə mövzusunda ByteDance şirkətinin bütün hüquqi imkanlarının tükənəcəyi halda şirkət sadəcə olaraq TikTok-u ABŞ ərazisində bağlayacaq.

TikTok-un satılması mövzusunda əsas problemlərdən biri də servisdə olan məsləhət xarakterli alqoritmdir. Belə ki, bu alqoritm ByteDance şirkətinin digər məhsullarında da istifadə edilir. ByteDance şirkətinin dövriyyəsinin və həftəlik istifadəçi kütləsinin yalnız kiçik bir hissəsi TikTok-u əhatə edir. Buna görə də şirkətə ən sərf edən çıxış yolu, servisi amerikalılara satmaq deyil, onu sadəcə ABŞ ərazisində bağlamaqdır. Məlumata əsasən ByteDance şirkətinin keçən il ümumi dövriyyəsinin yalnız 25%-i TikTok-un payına düşmüşdü.

Şirkətin ümumi dövriyyəsinin böyük hissəsini digər servislər əhatə edirlər. Onlardan biri də TikTok-un Çin üçün nəzərdə tutulmuş versiyası olan Douyin-dir. TikTok-un ABŞ-da gündəlik unikal istifadəçi kütləsi ByteDance şirkətinin bütün servislərinin ümumi istifadəçi kütləsinin 5%-ni təşkil edir. Bu səbəbdən də TikTok-un ABŞ-da bloklanması ByteDance şirkətinin biznesinə demək olar təsir göstərməyəcək. Həmçinin bu halda şirkət öz dəyərli alqoritmini də satmaq məcburiyyətində qalmayacaq.

Paylaş

bytedance

bytedance tiktok

tiktok

Bənzər xəbərlər