Discord-da oyun içi alış-veriş dövrü başladı

    Technote.az "TechCrunch" platformasına istinadən bildirir ki, Discord platformanı daha gəlirli və funksional etmək üçün yeni kommersiya xüsusiyyətləri təqdim edib. Artıq istifadəçilər oyunlardan çıxmadan birbaşa Discord daxilində rəqəmsal oyun elementləri ala, istək siyahıları yarada və dostlarına hədiyyə göndərə bilərlər.

    Şirkətin bildirdiyinə görə, bu yenilik həm istifadəçilər üçün rahatlığı artırır, həm də oyun tərtibatçılarına əlavə gəlir qapısı yaradır. Artıq oyun studiyaları öz rəqəmsal məhsullarını birbaşa Discord üzərindən sata bilir və beləliklə, öz icmalarından kənarda da daha geniş auditoriyaya çata bilirlər. Discord-un gələcəkdə birjada listinq ehtimalı bu cür monetizasiya addımlarını daha vacib edir. Platforma yeni alətlər vasitəsilə həm oyunların kəşf olunmasını, həm də rəqəmsal alış-veriş prosesini sadələşdirir.

    Yeni funksiyalar ilkin olaraq böyük uğur qazanmış Marvel Rivals oyunu ilə birlikdə istifadəyə verilib. Oyunun rəsmi Discord serverində artıq xüsusi mağaza səhifəsi açılıb.

    Marvel Rivals bu pilot layihə üçün ideal seçim hesab olunur:

    İstifadəçilər server daxilində dərhal kostyumlar, paketlər, emote-lar və digər oyun içi elementlərə baxa və satın ala bilirlər. Discord həm də istək siyahısı (wishlist) funksiyasını istifadəyə verib. Bundan əlavə, artıq oyun içi hədiyyələri birbaşa şəxsi mesajlar (DM) vasitəsilə göndərmək mümkündür.