İngiltərədə uşaqlara yönəlmiş cinsi məzmunlu mesajlarla bağlı bildirilən cinayətlərin demək olar ki, yarısının Snapchat üzərində baş verdiyi müəyyən edilib. Milli polisin məlumatlarına görə, 2023-2024-ci illər ərzində ümumilikdə 7062 uşağa qarşı cinsi ünsiyyət halı qeydə alınıb və bu halların 48%-i Snapchat-də yaşanıb.

     NSPCC açıqlamasında Snapchat-in uşaqları qoruma mövzusunda ciddi çatışmazlıqlarının olduğunu və xüsusilə məzmunun yoxa çıxması kimi xüsusiyyətlər səbəbindən platformanın istismarçılar üçün daha cazibəli hala gəldiyini bildirir. NSPCC Uşaq Təhlükəsizliyi Siyasəti Meneceri Rani Govender, Snapchat-də bildirilən məzmunların yetərincə ciddiyə alınmadığını və bu vəziyyətin uşaqlara mənfi təsir etdiyini deyib.

     Böyük Britaniya hökuməti isə Snapchat kimi platformalara qarşı daha sərt tədbirlər görməyi planlaşdırır. Dekabr ayında qüvvəyə minəcək “Onlayn Təhlükəsizlik Qanunu” ilə texnologiya şirkətlərinin uşaqları qoruma məsuliyyəti artırılacaq. Bu qanun çərçivəsində platformalar qanunsuz məzmun risklərinə dair qiymətləndirmələrini yayımlamalı olacaq.

     Snapchat nümayəndəsi isə BBC-yə verdiyi açıqlamada, gəncləri qorumaq məqsədilə məzmunun nəzarətini gücləndirdiklərini və qayda pozuntusu halında hesabları müvəqqəti bağladıqlarını bildirib.