Elon Musk Twitter ilə bağlı növbəti maraqlı bəyanatı verib. O bildirib ki, Twitter-də bloklanmış istifadəçi hesablarının çoxu yaxın zamanda bərpa ediləcək. Lakin bununla yanaşı o əlavə edib ki, hesabların bərpası bloklanmış bütün hesabları əhatə etməyəcək. Musk hansı istifadəçi hesablarının həmişəlik bloklanmış vəziyyətdə qalacaqlarını açıqlayıb. İlk növbədə Twitter-də rəhbərliyin dəyişilməsindən bir xeyli müddət öncə bloklanmış istifadəçi hesabları bərpa ediləcək.

    Lakin bu, həmin istifadəçi hesablarının qanunları pozmadıqları və spamların yayılmasında iştirak etmədikləri müəyyən ediləndən sonra reallaşdırılacaq. Əks halda həmin hesablar bloklanmış vəziyyətdə qalacaqlar. Bu cür bəyanatın verilməsindən öncə Musk öz abunəçiləri arasında bu məsələ ilə bağlı səsvermə keçirdib və istifadəçilərin 74.2%-i bloklanmış hesabların bərpasını dəstəkləyib. Səsvermədə 3.2 milyon insan iştirak edib. Musk-ın sözlərinə əsasən bloklanmış hesabların bərpa edilməsi prosesinə gələn həftə start veriləcək. Bu prosesin nə qədər zaman alacağı bilinmir.

Bənzər xəbər

Facebook bloklanmış istifadəçi hesabları üçün nəzərdə tutulmuş texniki dəstək çatını test edir