Elon Musk Twitter üçün 2 yeni təsdiq ikonunu anons edib

Elon Musk Twitter üçün 2 yeni təsdiq ikonunu anons edib

Sosial Media
25.11.2022 PAYLAŞIM

    Elon Musk Twitter-dəki təsdiq ikonları ilə bağlı yeni qərar verib. Belə ki, o, sosial şəbəkədəki təsdiq ikonunun saylarını artırmağı hədəfləyib. Qeyd etmək lazımdır ki, göy təsdiq ikonunu təqdim edən Twitter Blue abunəliyi bir neçə müddət bundan öncə müəyyən müddətlik deaktiv edilmişdi və qeyd edilmişdi ki, o, 29 noyabr tarixində yenidən aktivləşəcək. Lakin daha sonra Twitter Blue abunəliyinin bərpası bilinməyən müddətə kimi təxirə salındı. İndi isə məlumatda qeyd edilib ki, sözügedən abunəlik 2 dekabr tarixində yenidən işə düşəcək. Bununla yanaşı sosial şəbəkə daxilində göy rəngli təsdiq ikonundan əlavə 2 yeni təsdiq ikonu da olacaq.

    Onlardan biri qızılı, digəri isə boz rəngdə olacaq. Beləliklə göy rəngli təsdiq ikonu adi istifadəçilərin hesabları, boz rəngli təsdiq ikonu dövlət strukturuna daxil olan orqanların hesabları, qızılı rəngdə olacaq təsdiq ikonu isə şirkətlərin hesabları üçün nəzərdə tutulacaq. Bununla yanaşı Musk qeyd edib ki, göy rəngli təsdiq ikonunu ödəniş edəcək bütün istifadəçilər əldə edəcəklər. Bundan əlavə olaraq hesabları təsdiqlənmiş istifadəçilər çalışdıqları şirkətlərin loqolarını öz hesablarında yerləşdirə biləcəklər. Bununla yanaşı hesabların bu və ya digər təsdiq ikonunu əldə etmələrindən öncə həmin hesablar Twitter əməkdaşları tərəfindən fərdi şəkildə yoxlanılacaq.


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Yaxın zamanda Whatsapp-da səsli statuslar funksiyası istifadəyə veriləcək

Whatsapp tərtibatçıları messencerə yeni funksiyalar əlavə etməyə hazırlaşırlar.


Elon Musk Twitter-ə səsli və video zəngləri əlavə etməyi planlaşdırır

Elon Musk-ın Twitter daxilində şirkət əməkdaşları ilə keçirtmiş olduğu görüş çərçivəsində o, qeyd ed..


Whatsapp-ın desktop versiyası Telegram-da mövcud olan funksiyanı əldə edəcək..

Whatsapp-ın Windows üçün nəzərdə tutulmuş beta versiyasında messencerdə istifadəyə veriləcək yenilik..


Twitter-də saxta istifadəçi hesabları ömürlük bloklanacaq

Elon Musk qeyd etmişdi ki, o, daha öncə Twitter-də bloklanmış istifadəçi hesablarını bərpa edəcək...


Whatsapp-dakı çatlarda sorğuların keçirilməsi funksiyası hamı üçün istifadəyə ve..

Whatsapp-dakı çatlarda sorğuların keçirilməsi funksiyası istifadəyə verilib.

×