'Facebook' anonim şəkildə komplimentlər göndərən Tbh adlı mobil tətbiqi aldı

The Verge saytının verdiyi xəbərə əsasən Tbh tamamilə ayrıca servis kimi öz fəaliyyətini davam etdirəcək. Bu cür strategiya “Facebook” üçün artıq ənənəvidir. Belə ki, Instagram və WhatsApp-ın alışından sonra da sözügedən servislər “Facebook”dan asılı olmayaraq inkişaf etməyə davam etdilər. Tbh tətbiqinin 4 nəfər yaradıcısı “Facebook”un əməkdaşına çevriləcək və şirkətin baş ofisinə köçəcəklər.

Məlumata əsasən bu servisin alınması “Facebook”a 100 milyon dollardan ucuz başa gəldi. Lakin buna baxmayaraq şirkət bu barədə heç bir fikir söyləməyib. Qeyd etmək lazımdır ki, Tbh özü müsbət komplimentləri təklif edir. İstifadəçilər isə komplimentlərin çatacaqları yalnız 4 nəfəri seçə bilərlər. Komplimenti göndərənin adı əks olunmur. Tbh tətbiqi bu ilin Avqust ayında istifadəyə verildi. Bu qısa zaman ərzində həmin tətbiqi 5 milyon dəfə yüklədilər. Göndərilmiş komplimentlərin sayı isə 1 milyardı keçdi.