Facebook qırmızı bildirişləri deaktiv etmək funksiyasını test edir

27.06.2019 0 PAYLAŞIM 151 OXUNMA

    Bir neçə müddət bundan öncə məşhur tərtibatçı Jane Manchun Wong Facebook tətbiqinin Android üçün olan versiyasında qırmızı bildirişləri deaktiv etməyə imkan verən gizli funksiyanı aşkar etmişdi. Daha sonra sosial media üzrə konsultant Matt Navarra öz Twitter hesabında bildirdi ki, bu funksiyanın testinə artıq start verilib.


    Bildiriş gələn zaman parlaq qırmızı nöqtələr mobil tətbiqin əsas ekranında ortaya çıxır. Bu isə bir çox Facebook istifadəçilərin xoşlarına gəlmirdi. Çünki bildirişlər çox zaman qıcıqlandırıcı olur və əsas işlərdən fikri ayırırlar. Buna görə də yaxın müddətdə onları deaktiv etmək mümkün olacaq. Facebook bu funksiyanın testinə yeni başladığı üçün o hamı üçün aktiv deyil. Gələcəkdə həmin funksiyanı ayarlardakı konfidensiallıq bölməsində tapmaq mümkün olacaq.