Instagram'dakı bağlı hesabların paylaşımlarına və Stories'lərinə baxmaq mümkün olubmuş

Instagram'dakı bağlı hesabların paylaşımlarına və Stories'lərinə baxmaq mümkün olubmuş

Sosial Media
11.09.2019 PAYLAŞIM

    Instagram-da olan bağlı istifadəçi hesablarının paylaşımlarına və Stories-lərinə bir neçə klik ilə baxmaq mümkün olubmuş. Bu barədə Buzfeed saytı xəbər verib. Bu sistem boşluğundan bağlı istifadəçi hesabına sahib şəxsin istənilən dostu istifadə edə bilər. Beləliklə bağlı istifadəçi hesabına sahib şəxsin paylaşımlarının və Stories-lərinin aktiv linklərini əldə etmək üçün sadəcə olaraq həmin istifadəçinin hesabını brauzerdə açmaq lazımdır. Daha sonra isə brauzerin tərtibatçı panelini işə salmaq lazımdır. Bunu isə siçanın sağ düyməsinə klik edərək “Koda baxmaq” bölməsinə keçid etmək lazımdır.

    Bunu sadəcə olaraq F12 düyməsinə klikləyərək də etmək olar. Beləliklə açılacaq tərtibatçı panelində Network qovluğu, həmin qovluğun daxilində isə Img bölməsi var. Sözügedən Img bölməsində veb səhifənin foto və ya videosunun URL ünvanı yerləşir. Bu linkdən olan kontent isə istənilən internet istifadəçisi üçün açıqdır. Hətta əgər kontent bağlı Instagram hesabında paylaşılıbsa belə.


    Buzfeed bildirib ki, link vasitəsilə hətta Instagram istifadəçisinin sildiyi kontent də ortaya çıxırmış. Bura həmçinin 24 saatdan sonra avtomatik olaraq silinən Stories paylaşımları da daxildirlər. Belə ki, Stories paylaşımlarının linkləri br neçə gün, ana səhifədə edilmiş paylaşımlar isə daha çox müddət aktiv şəkildə qalırlar. Məlumatda qeyd edilib ki, bu cür üsul həmçinin Facebook-dakı bağlı paylaşımlar üçün də çalışır. Facebook şirkəti bildirib ki, bu sistem boşluğundan suistifadə edilmiş hallara rast gəlinməyib. Buna baxmayaraq şirkət artıq bu sistem boşluğunu aradan qaldırıb.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Whatsapp-da fərdi stikerlərin yaradılması funksiyası istifadəyə veriləcək..

İnsayderlər məlumat veriblər ki, yaxın zamanda Whatsapp-da fərdi stikerlərin yaradılması funksiyası ..


Instagram istifadəçilərin real şəxslər olduqlarını yoxlamaq üçün onlardan video ..

Instagram bəzi istifadəçilərdən video selfie tələb etməyə başlayıb.


Youtube videolardakı dislike sayının görünməsini deaktiv edib

Youtube rəsmi şəkildə elan edib ki, bundan sonra videolardakı dislike sayı adi istifadəçilər üçün gö..


Instagram-da ödənişli abunəlik istifadəyə veriləcək

Yaxın zamanda Instagram istifadəçiləri əlavə gəlir mənbəyinə sahib olacaqlar.


Telegram-da ödənişli abunəlik sistemi istifadəyə veriləcək

Telegram-ın yaradıcısı Pavel Durov öz bloqunda messencer ilə bağlı olacaq dəyişikliklər barəsində mə..


Whatsapp tərtibatçıları messencer üçün Communities adlı yeni funksiya üzərində ç..

Oktyabr ayında XDA-Developers saytının iştirakçıları bildirmişdilər ki, Whatsapp tərtibatçıları mess..

×