Instagram, Reels videolarına tərcümə xüsusiyyəti əlavə edir!

     Dekabr ayında dünyanın ən çox yüklənən tətbiqi olaraq TikTok-u geridə qoymağı bacaran Instagram, Reels videolarına yeniliklər əlavə etməyə davam edir. Bu dəfəki yenilik isə Reels videolarını başa düşməyənlərin sevindirəcək bir xüsusiyyət oldu.

     Belə ki, tətbiqlər haqqında yazıları ilə tanınan Alessandro Paluzzi bu haqda paylaşım edib.

     Paylaşılan ekran görüntüsünə baxdığımızda Reels videoları üçün tərcümə xüsusiyyətinin gələcəyini görə bilərik. Ən çox diqqət çəkən tərəf isə odur ki, avtomatik tərcümələr təkcə videolardakı mətnlərə deyil, həm də səslərə də gələcək. Paluzzi bu xüsusiyyəti ötən həftə paylaşsa da artıq Instagram-ın bu yenilik üzərində çalışdığı bildirilir. Hazırda bu xüsusiyyət haqqında geniş təfərrüatlar olmasa da videoların süni intellekt ilə tərcümə olunacağı təxmin edilir. Ancaq Instagram-ın süni intellekt hərəkətlərini artırdığını nəzərə alsaq, süni intellekt ilə dublyaj edilmiş videoları görə bilmə ehtimalımızın yüksək olduğunu deyə bilərik.