İstifadəçiləri Whatsapp-dakı qrup audio və videozənglərinə linklər vasitəsilə dəvət etmək mümkün olacaq
Sosial Media
27.09.2022
Emil Nəcəfov
Whatsapp üçün Call Links adlı yeni funksiya anons olunub. Sözügedən funksiya istifadəçiləri linklər vasitəsilə Whatsapp-dakı qrup audio və videozənglərinə dəvət etmək imkanını verəcək. Buna bənzər funksiya artıq Zoom və Google Meet tətbiqlərində mövcuddur. Anons olunmuş bu yeni funksiya hələ ki, hamı üçün aktiv deyil. Lakin ondan istifadə imkanı artıq bu həftə mümkün olmalıdır. Beləliklə Whatsapp istifadəçisi xüsusi yaradılmış linki öz dostlarına və ya ailə üzvlərinə göndərə biləcək. Linki qəbul etmiş şəxslər isə onun vasitəsilə messencer daxilindəki qrup audio və videozənginə qoşulmaq imkanına sahib olacaqlar.
Bunun üçün sadəcə olaraq əldə edilmiş linkə keçid etmək kifayət edəcək. Linki yaratmaq üçün istifadəçi zənglər bölməsinə daxil olaraq “Create Call Link” düyməsinə klikləməli olacaq. Qeyd etmək lazımdır ki, bu imkandan faydalanmaq üçün istifadəçi Whatsapp-ın ən son versiyasına sahib olmalıdır. Yaradılmış link digərlərini həm audio həm də videozəngə yönləndirə bilər. Cihazlarında Whatsapp messencerinin olmadığı istifadəçilərin bu cür linklər vasitəsilə messencer daxilində audio və ya videozənglərə qoşula bilib-bilməyəcəkləri barəsində bir məlumat yoxdur.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!