Jeff Bezos öz sərvətini 15 dəqiqə ərzində 13.2 milyard dollar yüksəldib

    Amazon şirkətinin yaradıcısı Jeff Bezos 15 dəqiqəyə öz sərvətini 13.2 milyard dollar yüksəldib. Bu barədə Bloomberg saytı xəbər verib. Bu, 30 yanvar tarixində Amazon şirkətinin səhmlərinin qiymətlərinin 12% yüksəlməsi səbəbilə baş verib. Şirkətin səhmlərinin qiymətlərinin yüksəlməsi isə Amazon-un uğurlu rüb göstəriciləri ilə əlaqəlidir. Nəticədə həmin göstəricilər analitiklərin ilkin proqnozlarını geridə qoyublar.

  Beləliklə şirkət 87.4 milyard dollar gəlir əldə etidyini bəyan edib. Jeff Bezos-un sərvəti bu halda 129.5 milyard dollara yüksəlib. Qeyd etmək lazımdır ki, o, Amazon-un 12%-nə sahibdir. Eyni vəziyyət həmçinin Elon Musk-la da baş verib. Belə ki, Tesla şirkətinin uğurlu rüb göstəriciləri analitiklərin gözləntilərindən çox yüksək oldu. Nəticədə Tesla şirkətinin səhmlərinin qiymətləri yüksəldi və Elon Musk-ın sərvəti 2 milyard dollar artdı.