Meta-nın Threads servisi ilə bağlı mənfi bir özəllik məlum olub

    Meta şirkəti özünün Twitter analoqu olan Threads servisini istifadəyə verəndən sonra ilk 7 saat ərzində servis 10 milyon istifadəçini özünə cəlb edə bilib. Qeyd etmək lazımdır ki, bu yeni servisdən istifadə etmək üçün istifadəçinin Instagram hesabı olmalıdır. Yəni Threads-dəki hesab birbaşa Instagram hesabına bağlı olur. Məlum olub ki, bu özəllik əslində mənfi xarakter daşıyır. Məsələ burasındadır ki, istifadəçi Threads-dəki hesabının silinməsini Instagram-dakı hesabının silinməsi vasitəsilə reallaşdırmalı olacaq.

    Bu, iki servisin bir-birilə əlaqədə olması səbəbilə baş verir. Bu barədə məlumat Meta-nın əlavə konfidensiallıq siyasətində qeyd edilib. “Siz istənilən zaman Threads hesabınızı dondura bilərsiniz. Lakin hesabı bir dəfəlik silmək üçün siz Instagram hesabınızını silməli olacaqsınız” - deyə məlumatda qeyd edilib. Qeyd etmək lazımdır ki, hal hazırda Threads Instagram-ın ən uğurlu klonu hesab edilir. Ondan artıq adi istifadəçilər ilə yanaşı Netflix, Amazon və Pepsi kimi məşhur şirkətlər də istifadə etməyə başlayıblar.