Pavel Durov 5 milyon avroluq girov qarşılığında sərbəst buraxılıb
Sosial Media
29.08.2024
Emil
Dünən gecə Fransa məhkəməsi Pavel Durov-a qarşı ittihamlar qaldırdı və onun məhkəmə nəzarəti altında saxlanması qərarını verdi. Bununla yanaşı Durov 5 milyon avro girov qarşılığında sərbəst buraxılıb. Lakin onun Fransa ərazisini tərk etməsinə də qadağa qoyulub. Fransa məhkəməsi tərəfindən təyin edilmiş qərara əsasən Durov həftədə 2 dəfə polis bölməsinə baş çəkməlidir. Məlumata əsasən Durov 6 qanun pozuntusunda ittiham olunur.
- Qeyri-qanuni tranzaksiyaların təmin olunmasında iştirak
- Pornoqrafik materialların yayılmasında iştirak. O cümlədən azyaşlıları əhatə edən pornoqrafik materialların yayılması da bu mövzuya daxil edilib
- Narkotik vasitələrin dövriyyəsində iştirak
- Kriptoloji xidmətlərin təqdim edilməsi
- Səlahiyyətli dövlət orqanların sorğuları əsasında lazımi məlumatların və sənədlərin təqdim edilməsindən imtina.
Durov-a qarşı qaldırılmış bu ittihamlar üzrə o, 10 il müddətinə azadlıqdan məhrum ola bilər. Qeyd etmək lazımdır ki, daha öncə Durov-a qarşı 12 mövzuda ittihamların qaldırılması gözlənilirdi. Bu halda onu 20 il müddətinə azadlıqdan məhrum olma cəzası gözləyə bilərdi. Paris prokurorluğu bildirib ki, Fransanın hüquq-mühafizə orqanları bu ilin fevral ayından Telegram barəsində araşdırmanın aparılmasına start veriblər.
Səbəb isə messencer rəhbərliyinin Fransa məhkəməsi sorğularına cavab verməməsi olub. Daha əvvəl də xəbər verildiyi kimi Telegram-da ciddi moderasiyanın olmaması səbəbilə Durov, Fransanın hüquq-mühafizə orqanlarının diqqətlərini öz üzərinə cəlb edib. Messencerdə ciddi moderasiyanın olmaması səbəbilə o, cinayətkarlar arasında çox məşhurlaşıb. Hüquq-mühafizə orqanlarının vermiş olduqları məlumata əsasən messencer bu vəziyyətin duzəlməsi istiqamətində heç bir səy göstərməyib və üstəlik dövlət orqanları ilə əməkdaşlıqdan imtina edib.
Paylaş
Ən çox oxunanlar
Samsung Galaxy Watch 8, Watch 8 Classic və Watch Ultra 2025-in render fotoları təqdim edilib
