main-post-cover

    Qualcomm Huawei şirkətinin öz smartfonlarına Kirin prosessorlarını geri qaytarmasından uduzacaq

    Sosial Media
    07.09.2023
    Emil Nəcəfov
        Huawei Mate 60 smartfon seriyasında istifadə edilən Kirin 9000s adlı prosessor ətrafında söz-söhbət bitmək bilmir. Dünən məlum oldu ki, sözügedən prosessorun istehsalı Huawei-yə 100 dəfə daha baha başa gəlir. İndi isə məşhur analitik Ming-Chi Kuo bu vəziyyətdə uduzan tərəfin adını açıqlayıb. Söhbət, Qualcomm şirkətindən gedir. Məsələ burasındadır ki, Qualcomm Huawei-yə 2022-ci ildə 23-25 milyon ədəd, 2023-cü ildə isə 40-42 milyon ədəd Snapdragon prosessoru satdı.
        Lakin 2024-cü ildən başlayaraq Huawei öz smartfonlarını fərdi istehsalı olan Kirin prosessorlarına köçürməyi hədəfləyib. Bu isə öz növbəsində Qualcomm-u 50-60 milyon ədəd prosessor istehsalı sifarişindən məhrum edəcək. Qualcomm üçün daha bir problem Samsung ilə bağlıdır. Belə ki, son məlumat sızıntılarına əsasən Samsung gələn ilin əvvəlində təqdim olunacaq Galaxy S24 smartfon seriyasına Exynos prosessorunu geri qaytarmağı planlaşdırır.
        Analitiklərin fikirlərinə əsasən bu cür şərtlər çərçivəsində Qualcomm Çin bazarında mövqelərini qoruyub saxlamaq üçün artıq bu ilin sonunda qiymət müharibəsi aparacaq. Bununla belə Snapdragon 8 Gen 3 və digər prosessorları endirimli qiymətlərlə əldə etmək imkanına sahib olacaq smartfon istehsalçıları çətin ki, öz cihazlarının satış qiymətlərini aşağı salsınlar. Çox güman ki, onlar öz smartfonlarının qiymətlərini əvvəlki səviyyədə saxlayacaqlar. Belə ki, istehsalçılar gəlirin artmasında maraqlıdırlar.
    Linki kopyala

    Bənzər xəbərlər

    Oxşar xəbərlər