SpaceX bundan sonra öz missiyalarının canlı yayımlarını Youtube-da deyil, X-də (keçmiş Twitter) keçirəcək

    Elon Musk-a məxsus olan X (keçmiş Twitter) sosial şəbəkəsi SpaceX şirkətinin kosmik uçuş missiyalarının canlı yayımçısı olacaq. Beləliklə bundan sonra SpaceX öz kosmik missiyalarının canlı yayımlarını Youtube-da keçirtməyəcək. SpaceX-in bu qərarı Musk-ın X-i Youtube və Twitch səviyyəsində platformaya çevirmək istəməsi ilə bağlıdır. Bir neçə gün bundan öncə SpaceX növbəti Starlink peyklərini Yer kürəsinin orbitinə göndərmişdi. Həmin kosmik missiyanın canlı yayımı yalnız X-də reallaşdırıldı. Bəzi istifadəçilər artıq bu qərara narazılıqlarını bildiriblər. Onların sözlərinə əsasən X platforması Youtube-un sahib olduğu rahat interfeysi özündə birləşdirmir. Digər tərəfdən Youtube-da SpaceX-in canlı yayımlarını təqdim edən qeyri-rəsmi kanallar vasitəsilə də problemi həll etmək olar.