Süni zəka ilə tərtib edilmiş kontentləri TikTok-da xüsusi işarələmək mümkün olacaq

    TikTok kontent yaradıcıları üçün nəzərdə yeni funksiya üzərində çalışır. İstifadəçilər hazırlanan yeni funksiya vasitəsilə süni zəka tərəfindən tərtib edilən kontentləri xüsusi olaraq işarələyə biləcəklər. Platformanın More options bölməsində “AI-generated content” bəndi istifadəyə verilib. Məlumatda qeyd edilib ki, süni zəka tərəfindən tərtib edilmiş kontentlər bu bənd sayəsində platformadan silinməyəcəklər. Qeyd etmək lazımdır ki, mart ayında TikTok süni zəka ilə bağlı qaydalarını sərtləşdirmişdi. TikTok süni zəka tərəfindən tərtib edilmiş kontentlərin xüsusi olaraq işarələnmələrinin vacibliyini qeyd edir. Əgər bu cür kontent xüsusi olaraq işarələnməsə o, platforma tərəfindən silinə bilər.