main-post-cover

    Telegram-da ödənişli abunəlik sistemi istifadəyə veriləcək

    Sosial Media
    08.11.2021
    Emil Nəcəfov
        Telegram-ın yaradıcısı Pavel Durov öz bloqunda messencer ilə bağlı olacaq dəyişikliklər barəsində məlumat verib. Məlumatlar arasında həmçinin messencerdəki reklam elanlarının deaktiv edilməsi üçün istifadəçilərə və kanalların sahiblərinə hansı imkanların təqdim olunacağı da qeyd edilib. Pavel Durov-un sözlərinə əsasən artıq bu ay Telegram-da xüsusi ödənişli abunəlik sistemi işə düşə bilər. Onun sayəsində istifadəçilər həm messencerə dəstək ola həm də bütün kanallarda reklam elanlarının göstərilməsi özəlliyindən azad ola bilərlər. Ödənişli abunəliyin hansı qiymətə başa gələcəyi və ona qoşulma şərtləri barəsində məlumatlar daha sonra veriləcək.
        Məlumatda qeyd edilib ki, eyni imkan həmçinin kanalların sahiblərinə də təqdim ediləcək. Lakin kanalların sahibləri üçün bu imkan daha fərqli şəkildə reallaşdırılacaq. “Bəzi müəlliflər də öz kanllarındakı istifadəçiləri üçün reklam elanlarının göstərilməsini deaktiv etmək istəyərdilər. Biz hal hazırda bu imkanın iqtisadi şərtlərini analiz edirik” - deyə Pavel Durov qeyd edib. Durov onu da qeyd edib ki, reklam elanları fərdi çatlarda və ya qruplarda əks olunmayacaqlar. Onlar yalnız böyük istifadəçi kütləsinə sahib kanallarda əks olunacaqlar. Belə ki, bu cür kanalların dəstəklənməsi Telegram-ın əsas xərclərindən biridir.
    Linki kopyala