Telegram üçün iki yeni funksiya istifadəyə verilib

    Telegram tərtibatçıları messencer üçün növbəti yeni funksiyaları təqdim ediblər. Əlavə edilmiş funksiyalar arasında çoxlu sayda çatlardan ibarət qovluqların paylaşılması, özəl çatların xarici görünüşlərinin tərtib edilməsində daha geniş imkanlar və yaxşılaşdırılmış istifadəçi interfeysi var. Bundan sonra istifadəçilər digərləri ilə onlarla çatdan ibarət qovluqları paylaşa biləcək.

    Bu üsul ilə istifadəçi digərlərini həmin çatlara bir-bir yox, bütün çatlara birdən dəvət edə biləcək. Çatlardan ibarət qovluqlar üçün bir neçə dəvət linki yaratmaq mümkündür. Həmin linklər isə müxtəlif növ çatlara dəvəti təmin edəcəklər. Bundan sonra istifadəçilər şəxsi fotolardan lazımi olanı seçərək onu özəl çatlarda individual tema kimi yerləşdirə biləcəklər. Çatdakı ikinci şəxs isə öz istəyinə uyğun olaraq təyin edilmiş görünüş temasını özünə kopyalaya bilər.