Telegram üçün növbəti böyük yenilənmə istifadəyə verilib. İstifadəyə verilmiş yenilənmə sayəsində messencer büdcəli Android smartfonlarda daha yaxşı çalışır. Bununla yanaşı Telegram batareya enerjisinə qənaət rejimini və digər yeni funksiyaları əldə edib. Batareya enerjisinə qənaət rejimi sayəsində Telegram bu və ya digər smartfonun texniki resurslarına daha az tələbkardır. Batareya enerjisinə qənaət etmək üçün istifadəçi ayarlarda messencerdəki animasiyaları, fonda çatların yenilənmələrini, animasiyalı stikerlərin, video faylların və GIF-lərin avtomatik şəkildə işə düşmələrini deaktiv edə bilər.

Bənzər xəbər

Snapdragon 865 prosessorunu ilk olaraq hansı şirkətin smartfonları əldə edəcəklər?

    Batareya enerjisinə qənaət rejimini fərdi şəkildə aktivləşdirmək və ya batareyadakı enerjinin müəyyən səviyyəyə enməsindən sonra onun avtomatik aktivləşməsi üçün lazımi enerji göstəricisini təyin etmək olar. Telegram-a artıq uzun zamandır ki, videoların, səsli mesajların və audio faylların oxudulma sürətlərini tənzimləmək imkanını verir. Lakin yenilənmiş Telegram-da bu funksiya daha da yaxşılaşdırılıb.

    Belə ki, yenilənmiş Telegram-da bu funksiya fikslənmiş sürəti deyil, 0.5x-dən 2.5x-ə kimi sürət seçimlərini təqdim edir. Bundan sonra 100 nəfərə kimi olan istifadəçiyə sahib çatlarda hər bir istifadəçinin bu və ya digər mesaja nə zaman baxdığnı öyrənmək mümkün olacaq. Bununla yanaşı bundan sonra qruplara istifadəçilərin əlavə edilməsi zamanı əlavə edilməsi planlaşdırılan istifadəçilərə birbaşa dəvət linklərini göndərmək mümkün olacaq. Telegram Premium istifadəçiləri animasiyalı emojilərdən ibarət 10 yeni kataloq əldə edblər.