6 iyul tarixində Meta tərəfindən istifadəyə verilmiş Twitter analoqu Threads-in istifadəçi kütləsi artıq 100 milyonu keçib. Lakin Sensor Tower və Similarweb şirkətlərinin verdikləri məlumata əsasən Threads-in istifadəyə verildiyi həftənin sonundan sonra ona olmuş maraq o qədər də böyük olmayıb. Məlumatda qeyd edilib ki, Threads-in istifadəyə verildiyi ilk günlərdə o, istifadəçilər arasında çox məşhur olub və bunun hesabına onun istifadəçi kütləsi sürətlə artıb. İndi isə onda aktivliyin azalması müşahidə edilir. Məlumata əsasən 8 iyul tarixindəki statistika ilə müqayisədə keçən həftənin cərşənbə axşamı və çərşənbə günlərində Threads-də aktiv istifadəçilərin sayı 20% daha aşağı olub.

    Yeni sosial şəbəkədə istifadəçilərin keçirdikləri ortalama zaman göstəricisi isə 50% aşağı düşüb. Yəni 20 dəqiqədən 10 dəqiqəyə. Başqa sözlə desək, Theads-in istifadəyə verildiyi həftənin sonundan sonra ona olan maraq getdikcə azalmağa başladı. Analitiklərin fikirlərinə əsasən ilk günlərdə yeni sosial şəbəkə ətrafında olmuş səs-küyə baxmayaraq Threads istifadəçilər arasında tələb olunan servisə çevrilmək üçün uzun və ciddi yol getməli olacaq. Meta şirkətinin dəstəyi və Instagram-la sıx inteqrasiya öz növbəsində Threads-ə vacib üstünlüklər qazandırır. Lakin şirkət yeni servisi daha geniş imkanlar və üstünlüklərlə təmin etməlidir.