Threads-ə yaxın zamanda hansı funksiyaların əlavə ediləcəyi məlum olub
Sosial Media
10.07.2023
Emil
Meta şirkəti özünün Twitter analoqu olan Threads-in istifadəyə verilməsinə o qədər tələsib ki, görünür, onda baza funksiyaları reallaşdırmağı unudub. Bununla belə əgər istifadəçi sözügedən servisdən istifadə təcrübəsini bəyənməsə o, Instagram hesabını silməmiş Threads hesabını silə bilməyəcək. Instagram-ın rəhbəri Adam Mosseri-nin sözlərinə əsasən Threads istifadəçiləri üçün yaxın zamanda yeni funksiyalar istifadəyə veriləcək. İstifadəçilər müəyyən funksiyaları tələb edirlər və görünür, yaxın zamanda yeni servisə əlavə ediləcək funksiyalar aşağıdakılar olacaq.
- Paylaşımların redaktə edilməsi
- Hashtag-lər
- İstifadəçi hesabları arasında keçid imkanı (çoxlu sayda istifadəçi hesabının dəstəyi)
- Servisin ana səhifəsində yalnız abunə olunmuş şəxslərin paylaşımlarını görmək imkanı
- Daha rahat axtarış imkanı (həmçinin thread-lər üzrə axtarış)
- Servisə “In Trend” bölməsinin əlavə edilməsi
- Servisin veb versiyasının istifadəyə verilməsi
- GIF-lərin əlavə edilməsi
- Foto və videolarda istifadəçilərinin işarələnməsi imkanı
- Thread-lərin ana səhifənin yuxarı hissəsinə bərkidilməsi
- Tətbiq daxilində kontentlərin tərcüməsi imkanı
- Thread-lərə Instagram-dakı postları yerləşdirmək imkanı.
Adam Mosseri yeni funksiyaların inteqrasiyası müddəti ilə bağlı heç bir məlumat verməyib. Buna görə də bu funksiyaların Threads-də nə zaman istifadəyə veriləcəyi bilinmir. Maraqlısı ondadır ki, sadalanmış bütün bu funksiyalar artıq Twitter-də mövcuddur.
Paylaş
Bənzər xəbərlər
