Threads-in gündəlik istifadəçi kütləsi 100 milyonu ötür
Sosial Media
18.12.2024
Emil
Meta şirkəti keçən ilin yay fəslində Threads adlı yeni sosial şəbəkəni istifadəyə vermişdi. Bu, faktiki olaraq X-in (keçmiş Twitter) analoqu hesab edilirdi. İndi isə Meta şirkətinin CEO-su Mark Zuckerberg ilk dəfə olaraq Threads-in gündəlik istifadəçi kütləsinin nə qədər təşkil etdiyini açıqlayıb. Beləliklə Zuckerberg-in sözlərinə əsasən Threads-in gündəlik istifadəçi kütləsi 100 milyonu ötür. Sosial şəbəkənin aylıq istifadəçi kütləsi isə 300 milyon təşkil edir.
Qeyd etmək lazımdır ki, son zamanlarda baş vermiş siyasi hadisələr səbəbilə insanların əksəriyyəti X-dən Threads-ə və ya keçmiş Twitter-in yaradıcısı Jack Dorsey-nin Bluesky adlı sosial şəbəkəsinə keçid edirlər. Məhz bu səbəbdən də Threads-in statistik göstəriciləri bir xeyli artıb. Son məlumatlara əsasən Bluesky-da artıq 25 milyon istifadəçi qeydiyyatdan keçib. Sentyabr ayında bu göstərici 10 milyon təşkil edirdi. Meta şirkəti öz növbəsində Threads-ə yeni funksiyalar əlavə edərək və onun interfeysində dəyişikliklər edərək bu sosial platformanı inkişaf etdirir.
Paylaş
Bənzər xəbərlər
Sosial Media
Sosial media platformaları artıq nüvə enerjisi ilə işləyəcək!
Facebook, WhatsApp, Instagram və Messenger kimi sosial media platformalarının sahibi olan Meta, 2030-cu illərin əvvəlindən etibarən gigavat səviyyəsində nüvə enerjisi istifadə etməyə başlayacaq.
Sosial Media
Messenger-də HD videozənglər və süni zəka ilə bağlı funksiyalar istifadəyə verilib
Meta şirkəti özünün Messenger tətbiqi üçün yeni funksiyaları anons edib. Anons edilmiş funksiyalar arasında HD keyfiyyətdə video zənglər, süni zəka vasitəsilə tərtib edilmiş fon effektləri və s. var.
Tech-Biznes
Meta şirkəti Avropa Komissiyası tərəfindən yüksək məbləğdə cərimələnib
Avropa Komissiyası Meta şirkətini Avropa Birliyinin antimonopoliya qaydalarını pozması səbəbilə 797.72 milyon avro (840 milyon dollar) həcmində cərimələyib.
Tech-Biznes
Meta şirkəti Instagram ilə WhatsApp-ı satmaq məcburiyyətində qala bilər
Meta şirkəti ABŞ Federal Ticarət Komissiyası (FTC) tərəfindən antimonopoliya mövzusunda qaldırılmış məhkəmə iddiası səbəbilə məhkəmə qarşısına çıxmalı olacaq.
Sosial Media
Instagram süni zəka vasitəsilə yeniyetmələri təyin edə biləcək
Meta şirkəti Instagram-a süni zəka əsaslı yeni sistemi inteqrasiya edir. İnteqrasiya edilən yeni sistem əsl yaşlarını gizli saxlamağa çalışan yeniyetmə istifadəçiləri təyin etməkdə yardımçı olacaq.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
