Threads üçün böyük yenilənmə gəlir

    Meta şirkəti özünün Twitter analoqu olan Threads-i istifadəyə verdikdən 2 həftə sonra onun üçün böyük yenilənmənin təqdim olunmasına hazırlaşır. Business Insider isə öz növbəsində Threads-ə yaxın zamanda böyük yenilənmə çərçivəsində əlavə ediləcək yeni funksiyalar barəsində məlumat verib. Beləliklə verilmiş məlumata əsasən yeni sosial şəbəkəyə yaxın zamanda özəl mesajlar imkanı əlavə ediləcək. Halbu ki, Instagram-ın rəhbəri Adam Mosseri daha öncə qeyd etmişdi ki, Threads özəl mesajlar bölməsini əldə etməyəcək. Bununla yanaçı Threads-də mövzular və trendlər bölmələrinin, o cümlədən yaxşılaşdırılmış axtarış sisteminin istifadəyə veriləcəyi gözlənilir. Bütün bu yeniliklərin dəqiq şəkildə nə zaman istifadəyə veriləcəkləri bilinməsə də, bu, yaxın zamanda baş tutmalıdır.