TikTok bloklanmasından 24 saat keçməmiş ABŞ-da fəaliyyətini bərpa edib

        ABŞ-ın keçmiş prezidenti Joe Biden tərəfindən keçən ilin aprel ayında imzalanmış qanun layihəsinə əsasən 19 yanvar tarixində TikTok rəsmi şəkildə ABŞ-da fəaliyyətini dayandırdı. Lakin TikTok-un ABŞ-da bloklanmasına istiqamətlənmiş qanun layihəsinin icrasından heç 24 saat keçməmiş bu məşhur platforma ABŞ-dakı fəaliyyətini tədricən bərpa etməyə başladı. Ardından isə TikTok, X-dəki (keçmiş Twitter) hesabında bildirdi ki, o öz fəaliyyətinin bərpası prosesindədir və bu mövzuda ABŞ-ın yeni prezidenti Donald Trump-a təşəkkürünü bildirir. Bununla belə TikTok-un tətbiqi hələ də App Store və Google Play-ə geri qaytarılmayıb.

   “Bizim provayder xidmətlərini təqdim edən tərəfdaşlarımız ilə olan razılaşmaya əsasən TikTok öz fəaliyyətinin bərpası prosesindədir. Biz, provayder xidmətlərini təklif edən tərəfdaşlarımızın TikTok-u 170 milyon amerikalıya təqdim etmələri və 7 milyondan çox kiçik biznesin bu platforma vasitəsilə inkişaf etməsini təmin etmələri səbəbilə heç bir cəriməyə məruz qalmayacaqlarını təsdiq etmiş prezident Trump-a minnətdarlığımızı bildiririk” - deyə TikTok qeyd edib. TikTok həmçinin bildirib ki, o, platformanın ABŞ-da fəaliyyətinin davam etdirilməsinə istiqamətlənmiş uzunmüddətli həll yolunun formalaşdırılması yolunda Trump ilə çalışmağa davam edəcək.

       Hətta ABŞ-da TikTok-a daxil olan zaman da ekranda bu platformanın Trump-ın səyləri nəticəsində ABŞ-da fəaliyyətini davam etdirməsi bildirişi əks olunur. ABŞ-ın keçmiş prezidenti Joe Biden-in administrasiyası Ağ Evdən ayrılmağa yaxın bildirmişdi ki, TikTok-a təyin edilmiş qadağanın davam etdirilməsi növbəti administrasiyadan asılı olacaq. Bu bəyanatdan sonra isə Trump bildirdi ki, o, qadağanın təxirə salınması niyyətindədir və 20 yanvar tarixində prezidentlik vəzifəsinə başlayan kimi TikTok-un yerli şirkətlərdən birinə satılması üzrə təyin olunmuş müddəti uzadacaq.

Bənzər xəbərlər

Tech-Biznes

TikTok-un Elon Musk tərəfindən alınması nəzərdən keçirilir

Hələ keçən ilin aprel ayında Joe Biden tərəfindən imzalanmış qanun layihəsinə əsasən ByteDance şirkəti 19 yanvar tarixinə kimi TikTok-u ABŞ-ın yerli şirkətlərindən birinə satmalıdır.

Sosial Media

TikTok planetimizin atmosferini ən çox çirkləndirən sosial şəbəkədir

Greenly şirkəti TikTok istifadəçilərinin bu məşhur platformanı istifadə etmələri səbəbilə qoyduqları karbon izinin miqdarını təyin edib. Məlum olub ki, TikTok istifadəçiləri atmosferi digərlərindən daha çox çirkləndirirlər.

Tech-Biznes

Donald Trump məhkəmədən TikTok-un ABŞ-da hələlik bloklanmamasını xahiş edib

ABŞ-ın seçilmiş yeni prezidenti Donald Trump öz səlahiyyətlərini 20 yanvar tarixində əldə edəcək. Lakin TikTok-un sahibi olan ByteDance şirkətinin bu sosial şəbəkəni ABŞ-ın yerli şirkətlərindən birinə satmağa razı olmadığı təqdirdə onun aqibəti artıq 19 yanvar tarixində həll ola bilər.

Sosial Media

İddialara görə, TikTok 35 dəqiqə ərzində istifadəçilərdə asılılıq yaradır!

Məhkəmə sənədləri TikTok rəhbərliyinin platformanın asılılıq yaratdığını bildiyini göstərib. Sosial media nəhəngi TikTok-un istifadəçilərdə cəmi 35 dəqiqə ərzində asılılıq yaratdığı iddiası gündəmə bomba kimi düşüb.

Tech-Biznes

TikTok, ABŞ-dakı vəziyyətini düzəltmək üçün son şans kimi Ali Məhkəməyə müracitə edib

Bu ilin aprel ayında ABŞ prezidenti Joe Biden tərəfindən imzalanmış qanun layihəsinə əsasən ByteDance şirkəti sahibi olduğu TikTok servisini 19 yanvar tarixinə kimi ABŞ-ın yerli şirkətlərindən birinə satmalıdır.