TikTok böyük media nəşriyyatları üçün Pulse Premiere adlı proqramı işə salıb. Bu proqram həmin nəşriyyatlara TikTok daxilindəki kontentlərinin sonlarında sərgilənən reklamlardan gəlir əldə etmək imkanını verəcək. Pulse Premiere artıq uzun müddət ərzində mövcud olan TikTok Pulse proqramının bir növ əlavəsidir. Qeyd etmək lazımdır ki, TikTok Pulse proqramı çərçivəsində ən yaxşı nəticələr sərgiləyən kontent müəllifləri öz paylaşımlarının sonlarında sərgilənən reklamlardan əlavə gəlir əldə edirlər.

    Hal hazırda Pulse Premiere adlı yeni proqram BuzzFeed və NBC kimi böyük media nəşriyyatlarının hesablarında aktivdir. TikTok Pulse proqramının, yaxşı baxışlara sahib olan videoların yalnız 4%-ni monetizasiya etdiyi bir vaxtda Pulse Premiere proqramı çərçivəsində bütün videoları monetizasiya etmək mümkün olacaq. BuzzFeed və NBC kimi nüfuzlu nəşriyyatlarla əməkdaşlıq sayəsində Pulse Premiere proqramı çərçivəsində reklamçılar öz brendlərini keyfiyyətli kontentlərlə əlaqələndirə bilərlər. Bu üsul ilə onlar öz brendlərinə olan etibarı yüksəltmiş olacaqlar.