Məşhur TikTok tətbiqi özündə messencer funksionallığını aktiv şəkildə inkişaf etdirir. Məşhur platformanın sahibi olan ByteDance şirkəti TikTok-u mesajların mübadiləsi üçün nəzərdə tutulmuş güclü platformaya çevirmək istəyir. TikTok-da istifadəçilərin bir-birilərinə mesaj göndərə bildikləri halda onlar sözügedən platformanı bir messencer kimi qəbul etmirlər. Lakin ByteDance şirkəti bu vəziyyəti dəyişmək niyyətindədir.

    Bu səbəbdən də şirkət yeni funksionallığın hazırlanmasından cavabdeh olan TikTok Social komandasını aktiv şəkildə genişləndirir. Şirkətin yeni vakansiyaları onun bu istiqamətdə olan iddialı məqsədlərini əks etdirirlər. Vakansiyalardan birində bu cür cümlə əks olunub. “Biz, TikTok-dakı messencerdən cavabdeh olan komandayıq. Bizim əsas missiyamız istifadəçilər arasında əhəmiyyətli bağlantılar yaratmaqdır”. Görünür, Snapchat və Instagram kimi platformalar TikTok-un uğurunu təkrarlamağa çalışdıqları bir vaxtda TikTok-un özü uğurlu messencerlərin funksionallıqlarını özünə inteqrasiya etməyi hədəfləyib.