TikTok-un Türkiyədə qadağan edilməsinə dair qanun layihəsi hazırlanır

Sosial Media

01.05.2024

Farid

Dünyanın ən məşhur sosial platformalarından biri olan TikTok Türkiyədə qadağan edilə bilər. Belə ki, Türkiyənin Milliyətçi Hərəkat Partiyasının deputatı Halil Öztürk ölkədə TikTok-un bloklanmasını tələb edib. Halil Öztürk-ün sözlərinə əsasən Milliyətçi Hərəkat Partiyası TikTok-un Türkiyə ərazisində fəaliyyətini dayandırmağa imkan verəcək qanun layihəsini hazırlayır. Öztürk bildirib ki, hazırlanan qanun layihəsi milli mədəniyyətin və dəyərlərin qorunmasına istiqamətlənmiş vacib addımların bir hissəsinə çevriləcək.

“Türkiyədə 30 milyon insanın istifadə etdiyi tətbiq türk ailə dəyərlərinə və ictimai struktura zidd olan kontentləri özündə birləşdirir. Türk millətinin mədəni irsinin məhvinə istiqamətlənmiş bütün növ elementlərə qarşı tədbirlər görülməlidir” - deyə Halil Öztürk qeyd edib.

Deputat qeyd edib ki, bu məşhur platformada ədəbsiz kontentlər yerləşdirilir və uşaqlar üzərində zorakılıq halları yaşanır. Onun fikrincə məhz bu səbəbdən TikTok Türkiyə ərazisində qadağan olunmalıdır. O həmçinin əlavə edib ki, TikTok-a qarşı üstəlik məhkəmə istintaqlarına da start verilib. Qeyd etmək lazımdır ki, keçən həftə ABŞ prezidenti Joe Biden da sözügedən məşhur platformanın ABŞ ərazisində bloklanmasına istiqamətlənmiş qanun layihəsini imzaladı. İmzalanmış qanun layihəsinə əsasən TikTok-un sahibi olan ByteDance şirkəti 270 gün ərzində onu satmalıdır. Əks halda TikTok ABŞ ərazisində bloklanacaq.

Paylaş

bytedance

bytedance tiktok

tiktok

Bənzər xəbərlər