Twitter bir neçə il ərzində heç bir aktivlik sərgiləməmiş istifadəçi hesablarını sosial şəbəkədən siləcək. Bu barədə məlumatı Elon Musk verib. Musk bildirib ki, bu cür istifadəçi hesablarının deaktiv edilmələri səbəbilə aktiv istifadəçilərin abunəçilərinin sayı bir qədər azala bilər. İstifadəçi razılaşmasına əsasən hesabın silinməməsi üçün istifadəçi hər 30 gün ərzində minimum bir dəfə öz hesabına daxil olmalıdır. “Biz, bir neçə il ərzində heç bir aktivlik sərgiləməmiş istifadəçi hesablarını bağlayırıq. Bu səbəbdən də siz çox güman ki, öz abunəçilərinizin sayında müəyyən qədər azalmaları müşahidə edəcəksiniz” - deyə Musk qeyd edib.