Hələ bir neçə müddət bundan öncə Twitter sosial şəbəkə daxilində fəaliyyət göstərən kontent müəllifləri üçün yeni monetizasiya üsulunun istifadəyə veriləcəyini elan etmişdi. İndi isə sosial şəbəkə bu imkanı aktivləşdirib. Bundan sonra kontent müəllifləri paylaşacaqları paylaşımlara görə müəyyən miqdarda gəlir əldə edə biləcəklər. Kontent müəllifləri öz abunəçiləri üçün ödənişli abunəlikləri istifadəyə verə bilərlər. Həmin ödənişli abunəliklər çərçivəsində isə istifadəçilər kontent müəlliflərinin eksklüziv kontentlərini izləyə biləcəklər.

    Ödənişli abunəlik çərçivəisndə paylaşılaşacaq eksklüziv kontentlər xüsusi işarəyə sahib olacaqlar. Twitter daxilində monetizasiya üsulunun aktivləşdirilməsi üçün bir neçə şərt var. İlk növbədə kontent müəllifinin 18 yaşı olmalıdır. Bundan əlavə olaraq o, minimum 500 nəfər abunəçiyə və son 30 gün ərzində paylaşılmış minimum 25 ədəd paylaşıma sahib olmalıdır.

    Kontent müəllifləri öz eksklüziv kontentlərinin paylaşılacaq ödənişli abunəliklərin aylıq qiymətlərini özləri təyin edəcəklər. Lakin Twitter də bu məsələdə öz komissiyasını götürəcək. Sosial şəbəkənin əldə edəcəyi komissiya 3% təşkil edəcək. Söhbət, əldə edilmiş 50 000$ gəlir halındakı 3%-lik komissiyadan gedir. Əgər kontent müəllifi 50 000$-dan daha çox gəlir əldə edərsə, bu zaman sosial şəbəkənin əldə edəcəyi komissiya 20% təşkil edəcək. Twitter daxilində istifadəyə verilmiş monetizasiya üsulu artıq 100 ölkədə aktivdir.