WhatsApp-a gələn yeni funksiya sayəsində istifadəçilər bir- birilərinin yerlərini izləyə biləcəklər

Bu yeni funksiya sayəsində valideyn öz övladını, evli qadınlar öz ərlərini və ya ərlər öz xanımlarını izləyə bilərlər. Sözügedən funksiya istifadəçinin istəyinə uyğun olaraq aktiv və deaktiv olunur. Geolokasiya məlumatları sayəsində siz öz yaxınlarınıza harda olduğunuz, təhlükəsizlik şəraitində olub-olmadığınız və ya marşrutunuz haqqında məlumatları verə bilərsiniz. Bununla yanaşı bu funksiya xüsusi şifrələmə sistemi ilə qorunur. Beləliklə istifadəçi öz geolokasiya məlumatlarının kiminlə və hansı müddətə paylaşmaq istədiyini ayarlaya bilər.

Funksiyanı istənilən vaxt deaktiv etmək və ya geolokasiya məlumatının paylaşılmasından sonra onun müddətinin bitməsini gözləmək lazımdır. Yeni funksiyadan istifadə etmək üçün istənilən şəxs və ya qrup çatına daxil olaraq “Share” düyməsinə klik edin. Daha sonra “Location” bölməsini seçin və yeni əlavə olunmuş “Share Live Location” bölməsinə klik edin. Bu zaman qrup çatında olan hər bir istifadəçi sizin yerləşdiyiniz yeri real zaman əzində öz xəritələrində görəcək. Əgər qrup çatında hər bir insan öz geolokasiya məlumatını paylaşsa, onda bütün istifadəçilərin yerləşdikləri yerlər bir xəritədə əks olunacaq. Yeni funksiya yaxın bir neçə həftə ərzində Android və iOS istifadəçiləri üçün aktiv olacaq.