Whatsapp tərtibatçıları messencerə yeni funksiyaların əlavə edildiyini açıqlayıblar. İstifadəyə verilmiş yeni funksiyalardan ən əsası messencer daxilindəki sorğuları əhatə edir. Belə ki, bundan sonra istifadəçilər Whatsapp daxilində yalnız bir cavabdan ibarət sorğuları da yarada biləcəklər. Bunun üçün sadəcə olaraq sorğuların yaradılması zamanı “Allow multiple Answers” bəndini deaktiv etmək lazım gələcək. Bundan əlavə olaraq çatlar daxilində sorğuların axtarışı özəlliyi reallaşdırılıb.

    Bu və ya digər sorğunu yaratmış istifadəçi həmçinin sorğuya artıq nə qədər adamın səs verdiyi bildirişini əldə edəcək. Digər əsas yenilik isə media faylların bir çatdan digərinə göndərilməsi zamanı onlara izah xarakterli məzmunların əlavə edilməsi ilə bağlıdır. Eyni funksiya sənədlərin göndərilməsi üçün də aktivləşdirilib. Daha öncə istifadəçilər göndərilən foto və videolara məzmun əlavə edə bilirdilərsə, indi bunu göndərilən sənədlər üçün də reallaşdırmaq mümkün olacaq.