Whatsapp Business tətbiqinin iOS versiyası təqdim olundu
Sosial Media
05.04.2019
Farid Pardashunas
Whatsapp tərtibatçıları Whatsapp Business tətbiqinin iOS versiyasını təqdim etdilər. Bu barədə The Verge saytına istinadən Vc.ru saytı xəbər verib. Məlumata əsasən bu tətbiq ilk öncə Braziliya, Almaniya, İndoneziya, Hindistan, Meksika, İngiltərə və ABŞ-da aktiv olacaq. Daha sonra isə bütün dünyada aktivləşdiriləcək. Whatsapp Business-in iOS versiyası da sürətli cavabları və mesajların statistikalarını dəstəkləyir.
Whatsapp Business tətbiqi biznes üçün fəaliyyət təsvirini, iş saatlarını və əlavə məlumatları özündə əks etdirən hesabların yaradılması imkanını verir. Bundan əlavə olaraq bu tətbiq vasitəsilə müştərilərin sulları üçün nəzərdə tutulmuş şablonlardan ibarət sürətli cavablar da yaratmaq mümkündür. Qeyd etmək lazımdır ki, Whatsapp Business ilk dəfə 2018-ci ilin əvvəlində Android əməliyyat sistemi üçün təqdim olunmuşdu. Bu tətbiq əsasən kiçik biznesin mesajlaşma prosesini daha da asanlaşdırmaq üçün nəzərdə tutulub və Whatsapp Business API ilə əlaqəli deyil.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)