WhatsApp-ın beta versiyasına mesajların süni intellektlə yazılması və redaktəsi imkanı əlavə edilib

     WhatsApp-ın iOS üçün beta versiyası süni intellekt əsaslı funksiyanı əldə edib. Bu funksiya mesaj mətnini fərqli üslublarda yenidən yazmağa imkan verir. Müvafiq düymə stikerlərin seçildiyi yerin əvəzinə mesaj yazılan sahədə yerləşir. Ona kliklədikdə tətbiq mətnin aşağıdakı 5 üslubda yenidən yazılmasını təklif edir:

- Peşəkar

- Əyləncəli

- Yenidən ifadə olunmuş (daha aydın və əlaqəli olması üçün)

- Redaktə olunmuş

- Səmimi

     İstifadəçilər təqdim olunan variantlardan birini seçə və ya orijinal mətni saxlaya bilərlər. Mesajı alan şəxs mesajın yazılmasında süni intellektdən istifadə olunduğuna dair heç bir bildiriş almayacaq. Şirkət də bu mesajları görmür - redaktə prosesi tamamilə şifrələnib.