Whatsapp-ın iOS istifadəçiləri üçün çatlardan kənarda səsli mesajlara qulaq asmaq imkanı təqdim edilib
Sosial Media
16.02.2022
Emil Nəcəfov
1 ay bundan öncə Whatsapp çatlardan kənarda səsli mesajlara qulaq asmaq imkanını test etməyə başlamışdı. İndi isə messencer bu imkanı iOS istifadəçiləri üçün aktivləşdirib. Whatsapp-ın 22.4.75 versiyası səsli mesajlara və audio fayllara çatlar xaricində qulaq asmağa imkan verir. Bununla belə istifadəçi bir çatdakı səsli mesaja qulaq asa-asa digər çata daxil olub ünsiyyətini davam etdirə bilər. Bu halda səsli mesajı dayandırmağa ehtiyac qalmayacaq. İstifadəçinin bir çatdakı səsli mesaja və ya audio fayla qulaq asa-asa digər çata daxil olduğu zaman səsli mesajın və ya audio faylın oxudulduğu kiçik player pəncərəsi ekranın yuxarı hissəsində yerləşəcək. Beləliklə istifadəçi öz istəyinə uyğun olaraq səsli mesajı və ya audio faylı dayandıra və ya yenidən oxuda biləcək. Whatsapp 22.4.75 App Store-da artıq bütün istifadəçilər üçün aktivdir. Lakin səsli mesajlara çatlar xaricində qulaq asmaq imkanı hələ hamı üçün aktiv olmaya bilər. Belə ki, messencer öz yeni funksiyalarını tədricən hamı üçün istifadəyə verir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!