main-post-cover

    Whatsapp-ın iOS üçün olan beta versiyası çoxdan gözlənilən funksiyanı əldə edib

    Sosial Media
    03.05.2023
    Farid Pardashunas
        Whatsapp-ın iOS versiyasına çoxdan gözlənilən funksiyalardan biri sonunda əlavə edildi. Söhbət, Apple şirkətinin bulud sisteminə qoşulmadan çatların bir cihazdan digərinə köçürülməsindən gedir. Qeyd etmək lazımdır ki, daha öncə çatların bir cihazdan digərinə köçürülməsi halında mütləq şəkildə iCloud-dan istifadə etmək lazım idi. iCloud-un pulsuz versiyasında yaddaş həcminin az olması səbəbilə bu, istifadəçilər üçün müəyyən problemlər yaradırdı. iCloud-un pulsuz versiyasında yalnız 5 GB yaddaş həcmi təklif edilir. Bu isə bütün tətbiqlər ilə məlumatların ehtiyat kopyalarını yaratmağa kifayət etmir.
        Whatsapp-da isə bir çatın tərkib hissəsi 1 GB-dan daha çox yer tuta bilər. Bu səbəbdən də Whatsapp-da çatların bir iPhone-dan digərinə Apple serverlərindən yan keçməklə köçürülməsi imkanı reallaşdırılıb. Bu prosesi reallaşdırmaq üçün istifadəçilər yeni iPhone-da olan Whatsapp-da hesaba daxil olub ayarlardqkı “Transfer Chats to iPhone” bəndinə klikləməlidirlər. Nəticədə messencer tərəfindən generasiya edilmiş QR kodu köhnə smartfon vasitəsilə skan etmək lazımdır. Skan edəndən sonra çatlar avtomatik şəkildə bir cihazdan digərinə köçürüləcək. Hal hazırda bu yeni funksiya Whatsapp-ın iOS üçün nəzərdə tutulmuş son beta versiyasında məhdud sayda istifadəçidə aktivləşdirilib. Funksiyanın messencerin stabil versiyasında nə zaman istifadəyə veriləcəyi bilinmir.
    Linki kopyala

    Bənzər xəbərlər

    Oxşar xəbərlər