Whatsapp-ın iOS versiyasına videozənglər üçün picture-in-picture funksiyası əlavə edilib

    Whatsapp tərtibatçıları messencerin iOS versiyasına yeni faydalı funksiyanı əlavə ediblər. Söhbət, videozənglər üçün nəzərdə tutulmuş picture-in-picture funksiyasından gedir. Beləliklə bundan sonra Whatsapp-ın iOS versiyasının istifadəçi videozəng reallaşdıran zaman həmsöhbət olduğu şəxs ilə özü kiçik pəncərədə əks olunacaqlar və bu halda istifadəçi videozəngi dayandırmadan smartfonda digər əməliyyatlarını reallaşdıra biləcək. Qeyd etmək lazımdır ki, daha öncə videozəng pəncərəsinin bağlanması zamanı videozəngin özü pauza rejiminə keçid edirdi. Picture-in-picture funksiyası hələ iOS 14-də istifadəyə verilmişdi. Lakin Whatsapp tərtibatçıları onu messencer daxilinə yalnız indi inteqrasiya ediblər.