Whatsapp-ın köhnə iOS versiyasındakı dəstəyi dayandırılıb

    Bu həftə Whatsapp yenilənmə əldə edib və yenilənmədə olan dəyişikliklər ilk növbədə köhnə iPhone istifadəçilərini əhatə edir. Belə ki, App Store-da təqdim olunan Whatsapp 2.21.50 versiyasının çalışması üçün artıq iOS 10 və ondan sonrakı versiyalar tələb olunur. Bu isə o deməkdir ki, Whatsapp-ın iOS 9 dəstəyi dayandırılıb.

    Bundan əvvəl sonuncu dəfə messencer bu cür dəyişikliyi keçən ilin fevral ayında reallaşdırmışdı. Həmin vaxtda iOS 8-in messencer tərəfindən dəstəklənməsi dayandırılmışdı. Hal hazırki qərar isə iPhone 4S istifadəçilərini əhatə edir. Whatsapp-ın dəstək xidmətindəki məlumata əsasən Whatsapp-ın Android və iOS-də çalışması üçün aşağıdakı tələblər lazımdır:

- Android 4.0.3 və ondan sonrakı versiyalar

- iOS 10 və ondan sonrakı versiyalar.