X-də (keçmiş Twitter) audio və video zənglər funksiyası istifadəyə verilib

     Elon Musk-ın daha öncə də planlaşdırdığı və barəsində çox danışdığı audio və video zənglər funksiyası X-də (keçmiş Twitter) istifadəyə verilib. Funksiya artıq bəzi X istifadəçiləri üçün aktivləşdirilib. Müxtəlif messencerlərdən fərqli olaraq X-də audio və ya video zənglərin reallaşdırılması üçün istifadəçilərin öz aralarında mobil nömrə mübadiləsini aparmağa ehtiyac yoxdur. Funksiyanın istifadəyə verilməsi hələ rəsmi şəkildə elan edilməsə də X istifadəçiləri platformaya daxil olan zaman bu barədə bildirişi əldə etməyə başlayıblar.

     Funksiyanın ayarlarında onu deaktiv etmək və hansı istifadəçilər tərəfindən zənglərin edilə biləcəyini seçmək olar. Variantlar arasında yalnız X Premium istifadəçiləri, yalnız abunə olunmuş istifadəçilər və kontaktlar siyahısındakı istifadəçilər var. İstifadəçi öz istəyinə uyğun olaraq bir neçə variantı seçə bilər. Audio və ya video zəngi reallaşdırmaq üçün isə lazımi şəxs ilə olan özəl mesaja daxil olub yuxarı sağ hissədəki müvafiq ikona klikləmək lazımdır. Audio və video zənglər funksiyasının hamı üçün və ya yalnız X Premium istifadəçiləri üçün aktiv olduğu bilinmir.

Bənzər xəbərlər

Sosial Media

Elon Musk X üçün (keçmiş twitter) iki yeni tarif planını anons edib

X-in (keçmiş Twitter) CEO-su Elon Musk sosial şəbəkənin imkanlarından istifadə üçün nəzərdə tutulmuş iki yeni tarif planını anons edib.

Sosial Media

Elon Musk X-i (keçmiş Twitter) Avropada deaktiv edə bilər

Avropa regionunda geosiyasi konfliktlərin şiddətlənməsi regionda kontentlərin moderasiyası üzrə mövcud tələblər ilə Elon Musk-ın X (keçmiş Twitter) çərçivəsində söz azadlığı məqsədi arasındakı uyğunsuzluğu ortaya çıxarıb.

Sosial Media

X-in (keçmiş Twitter) yeni istifadəçiləri məcburi illik ödəniş etməli olacaqlar

Elon Musk X (keçmiş Twitter) üçün nəzərdə tutulmuş növbəti yeniliyi anons edib.