Yaxın zamanda X-də (keçmiş Twitter) video formatlı zənglər istifadəyə veriləcək

    X-də (keçmiş Twitter) yaxın zamanda video formatlı çatlar istifadəyə veriləcək. Bu barədə məlumatı sosial şəbəkənin CEO-su Linda Yaccarino verib. “Yaxın zamanda siz platformada heç kimə telefon nömrənizi təqdim etmədən digərlərinə video formatda zənglər edə biləcəksiniz” - deyə Yaccarino qeyd edib. X-də video formatlı zənglərin istifadəyə verilməsi Elon Musk-ın sözügedən platformanı supertətbiqə çevirmək istəməsi yolunda atılmış növbəti addımdır. X artıq uzun xronometraja sahib videoların yüklənməsi imkanını dəstəkləyir və yaxın zamanda onda ödəniş sistemi də istifadəyə veriləcək.