YouTube 18+ videoların önizləmə görüntülərini bulanıq edəcək

     YouTube video platforması “bütün istifadəçilər üçün daha təhlükəsiz axtarışı təmin etməyə yönəlmiş” yeni təcrübi funksiyanı elan edib. Xidmət, tez-tez seksual mövzuları əhatə edən bəzi sorğular üzrə axtarış nəticələrində videoların önizləmə görüntülərini bulanıq göstərməyə başlayacaq. Platformanın texniki dəstək bölməsindəki Community yeniləməsinə əsasən, bu yeni funksiya hazırda məhdud sayda istifadəçi üçün əlçatandır. Xidmət hansı videoların seksual məzmunlu sayılıb, bulanıq şəkildə göstəriləcəyini dəqiqləşdirmir, lakin videonun adı, videonu paylaşan kanalın adı və təsviri görünən olaraq qalacaq. İstifadəçilər ayarlar bölməsində bu bulanıqlığı deaktiv edə biləcəklər.

     Yeni funksiyanın məhdud test şəklində tətbiqinin məqsədi platformanın “YouTube-un icma qaydalarına uyğun ola bilən, lakin təbiəti etibarilə həssas sayılan məzmunun təsadüfən izlənməsinin qarşısını almağa kömək edib-etmədiyini anlamaq”dır. Google-un axtarış sistemindəki təhlükəsiz axtarış funksiyasından fərqli olaraq, hansı ki nəticələri həm bulanıqlaşdırır, həm də filtrdən keçirir, YouTube-un bu yeni təcrübi funksiyası axtarış nəticələrini gizlətməyəcək. Hazırkı formada bu funksiya əlavə bir qoruma səviyyəsi təqdim etmək üçün nəzərdə tutulub ki, uşaqlar və ya xəbərsiz istifadəçilər axtarış nəticələrini izləyərkən potensial olaraq arzuolunmaz məzmunla dərhal qarşılaşmasınlar.

Mənbə: The Verge