main-post-cover

    Youtube bütün platformalar üçün yeni istifadəçi interfeysini test edir

    Sosial Media
    07.08.2020
    Emil Nəcəfov
        Google şirkəti Youtube videoservisinin dizaynı üzərində təcrübə aparmağa davam edir. İnternetdə Android-in Youtube versiyasında olacaq yeni istifadəçi interfeysinin ilk fotoları artıq ortaya çıxıb. İnsayderlərin verdikləri məlumatlara əsasən bu dəyişikliklər müəyyən vaxtdan sonra videoservisin desktop və smart televizorlar üçün olan versiyasında da reallaşdırılacaq. Bu barədə Androidcentral saytı xəbər verib. Youtube videoservisinin Android üçün olan versiyasının beta versiyasından olan yeni məlumat sızıntılarına əsasən istifadəçi interfeysində olacaq əsas dəyişiklik axtarış panelini əhatə edəcək.
        Belə ki, yeni istifadəçi interfeysində axtarış paneli ənənəvi üsul əvəzinə brauzer tərzində reallaşdırılacaq. Beləliklə həmin axtarış paneli videoservisin yuxarı sol hissəsində Youtube loqosunu əvəz edəcək. Digər bir dəyişiklik isə istifadəçinin öz hesabı ilə qarşılıqlı əlaqəni əhatə edir. Belə ki, istifadəçi hesabına daxil olmadan videoservisə daxil olan zaman ekranda xüsusi pəncərə ortaya çıxacaq və həmin pəncərədə Google hesabına daxil olma təklifi ediləcək.
        İnsayderlər güman edirlər ki, istifadəçi hesabına daxil olmaq üzrə təqdim edilən bu cür motivasiya kontekst reklamın təqdim olunması məsələsində Youtube servisinə daha çox statistika verəcək. Hər halda bu funksiya məsləhət xarakteri daşıyır və tətbiqin işinə təsir göstərmir. Hal hazırda şirkət Youtube-da olacaq yeni istifadəçi interfeysinin qapalı beta testini keçirdir. Bu yeni dəyişikliklər hələ bütün istifadəçilər üçün aktivləşdirilməyib. Yenilənmiş Youtube servisinin nə zaman istiadəyə veriləcəyi barəsində isə bir məlumat yoxdur.
    Linki kopyala