YouTube-da süni zəka vasitəsilə Shorts videoların yaradılması funksiyası istifadəyə verilib

     YouTube platformasında süni zəka əsaslı yeni funksiya istifadəyə verilib. Bu funksiya istifadəçilərin Shorts formatında yayımlaya biləcəkləri qısa videoların yaradılması üçün nəzərdə tutulub. Söhbət Google Veo 2 texnologiyası əsasında qurulmuş YouTube Dream Screen funksiyasından gedir. Bu funksiya əvvəllər də mətn təsvirinə əsasən videolar yaratmağa imkan verirdi, lakin istifadəçilər onları yalnız fon kimi istifadə edə bilirdilər. İndi isə Dream Screen vasitəsilə yaradılan videoları Shorts formatında öz hesabınızda yayımlamaq mümkündür. Yeni funksiyanı sınaqdan keçirmək üçün istifadəçi Shorts kamerasını aktivləşdirməli, Dream Screen funksiyasını işə salmalı, media fayllarının seçim panelini açmalı və “Yarat” düyməsinə klikləməlidir.

     Bundan sonra tərtib ediləcək videonun mətn təsvirini daxil etmək, mövcud üslublardan birini, obyektivləri, kinematoqrafik effektləri seçmək və videonun müddətini təyin etmək mümkündür. YouTube nümayəndələrinin sözlərinə görə, süni zəka tərəfindən tərtib edilən videoları Shorts formatında yayımlamaq funksiyası bu həftə ABŞ, Kanada, Avstraliya və Yeni Zelandiya istifadəçiləri üçün əlçatan olacaq. Daha sonra bu funksiya digər ölkələrdə də istifadəyə veriləcək, lakin dəqiq tarixlər hələ açıqlanmayıb.

     Bu yeniləmə bir qədər gözlənilməz oldu, çünki Google Veo neyron şəbəkəsinin son versiyası hələ də erkən istifadə mərhələsindədir. YouTube-un məlumatına görə, neyron şəbəkəsinin Dream Screen funksiyası ilə inteqrasiyası real dünya fizikası və insanların təbii hərəkətlərini nəzərə alaraq daha ətraflı və realistik videoların daha sürətli şəkildə tərtibatına imkan verəcək. Bununla yanaşı, süni zəka vasitəsilə tərtib edilən videolar həm görünən vizual nişanlarla, həm də Google SynthID-in görünməyən su nişanları ilə işarələnəcək ki, bu da videonun neyron şəbəkə tərəfindən tərtib edildiyini və ya dəyişdirildiyini göstərir.

Mənbə: The Verge

Bənzər xəbərlər

Süni İntellekt

OpenAI süni zəkanın davranış qaydalarını yeniləyib

OpenAI "Model Spesifikasiyası" (Model Spec) sənədinin genişləndirilmiş versiyasını yayımlayıb. Bu sənəd süni zəka modellərinin davranışını müəyyən edir və istənilən şəxs tərəfindən pulsuz istifadə və dəyişdirilə bilər.

Süni İntellekt

Anthropic-in CEO-su: "Süni zəka 2027-ci ilə qədər dahi insan səviyyəsinə çata bilər"

O, beynəlxalq ictimaiyyətin süni zəkanın inkişafı ilə bağlı problemlərə çox ləng reaksiya verdiyini qeyd edib. Bununla əlaqədar demokratik ölkələri bu sahədə tənzimləmə prosesinə rəhbərlik etməyə çağırıb. Amodei Parisdə keçirilən süni zəka sammitini (AI Action Summit) tənqid edərək, bunu “itirilmiş fürsət” adlandırıb.

Proqram Təminatı

ChatGPT və digər çat-botlar xəbər xülasələrini yaxşı hazırlamırlar

BBC tərəfindən aparılmış araşdırma göstərib ki, dünyanın dörd ən populyar süni zəka əsaslı çat-botu xəbərlərin xülasəsini hazırlayarkən çoxlu səhvlərə yol verir.

Sosial Media

Youtube videoların süni zəka əsaslı dublyaj funksiyasını bu ay istifadəyə verəcək

Bu gün YouTube-un baş direktoru Neal Mohan süni zəkanı 2025-ci il üçün şirkətin dörd əsas strateji istiqamətindən biri adlandırıb.

Süni İntellekt

Avropa süni zəka sahəsinə 200 milyard avro sərf edəcək

Avropa Birliyi, ABŞ və Çinə rəqabət yaratmaq məqsədilə süni zəka sahəsinə 200 milyard avro məbləğində investisiya yatıracaq. Bu barədə Avropa Komissiyasının rəhbəri Ursula von der Leyen, Parisdə keçirilən AI Action Summit tədbirində çıxışı zamanı bildirib.