YouTube istifadəçilərə bir neçə saatlıq reklam elanları sərgiləməyə başlayıb

     YouTube video izləmə xidmətini istifadəçilərə pulsuz təqdim edir. Lakin bunun qarşılığında istifadəçilərə hər izlənən videoda reklam elanları sərgilənir. Video izləmə zamanı reklam elanlarının sərgilənməməsini istəyən istifadəçilər üçün ödənişli YouTube Premium abunəliyi təklif edilir. Lakin istifadəçilərin əksəriyyəti videolardakı reklam elanları ilə reklam bloklayıcıları vasitəsilə mübarizə aparır. YouTube platformasının sahibi olan Google öz növbəsində reklam bloklayıcılarına qarşı çıxış edir. Məlum olub ki, şirkət bu cür alətlərdən istifadə edən istifadəçilərlə yeni mübarizə yoluna əl atıb.

     Belə ki, videoservis reklam bloklayıcılarından istifadə edənlərə video izləmə zamanı olduqca uzun xronometrajlı reklam elanları sərgiləməyə başlayıb. Reklam bloklayıcılarından istifadə edənlər Reddit platformasında şikayət etməyə başlayıblar ki, videoservis onlara aradan qaldırılması mümkün olmayan uzun reklam elanları sərgiləyir. Sərgilənən reklam elanları isə o qədər uzundur ki, istifadəçinin videonu sona kimi izləmək həvəsi aradan qalxır. Məsələn istifadəçilərdən biri qeyd edib ki, YouTube-dakı 49 dəqiqəlik videonu izləmək üçün videoservis ona 52 dəqiqəlik reklam elanını izləməyi təklif edib.

     Digər bir istifadəçi isə 58 dəqiqəlik reklam elanından şikayətlənib. Google etiraf edib ki, o, məsələnin həll edilməsi yolunda belə radikal üsullardan istifadə etmək məcburiyyətindədir. “Reklam bizim platformamızdakı video müəlliflər üçün həyati əhəmiyyət daşıyan vasitədir. Reklam onlara öz bizneslərini inkişaf etdirməyə imkan verir. Məhz buna görə reklam bloklayıcıları videoservisin xidmət şərtlərini pozur” - deyə şirkət rəsmisi qeyd edib. Şirkət rəsmisi həmçinin əlavə edib ki, ən pis halda videoservis həmin istifadəçilər üçün ümumiyyətlə video izləmə imkanını deaktiv etmək hüququna sahibdir.

 

Bənzər xəbərlər

Sosial Media

TikTok planetimizin atmosferini ən çox çirkləndirən sosial şəbəkədir

Greenly şirkəti TikTok istifadəçilərinin bu məşhur platformanı istifadə etmələri səbəbilə qoyduqları karbon izinin miqdarını təyin edib. Məlum olub ki, TikTok istifadəçiləri atmosferi digərlərindən daha çox çirkləndirirlər.

Sosial Media

YouTube-da təsadüfi videoların izlənməsi düyməsi test edilir

Google şirkəti YouTube tətbiqinin Android üçün nəzərdə tutulmuş yeni versiyasını test etməyə başlayıb. Test versiyada maraqlı bir funksiya istifadəyə verilib.

Sosial Media

YouTube clickbait başlıqlı videolarla mübarizə aparmağa başlayacaq

YouTube-dakı bəzi videolarda gözləntiləri əsasən doğrultmayan başlıqlar və üzlük fotoları istifadəçilərdə çox zaman qıcıqlanmaya səbəb olurlar.

Sosial Media

YouTube-da səsli şərhlər test edilir

YouTube video müəllifləri üçün nəzərdə tutulmuş yeni funksiyanı test etməyə başlayıb. Test edilən yeni funksiya sayəsində video müəllifləri öz videolarına səsli şərhlər yerləşdirə bilirlər.

Sosial Media

YouTube-da videoların süni zəka vasitəsilə dublyajı funksiyası istifadəyə verilib

YouTube tərtibatçıları videoservisə çoxdan gözlənilən süni zəka funksiyasını əlavə ediblər. Söhbət, videoların avtomatik dublyaj edilməsi funksiyasından gedir.