YouTube Shorts-a süni zəka vasitəsilə dinamik fon görüntülərinin tərtibatı funksiyası əlavə edilib

     YouTube administrasiyası elan edib ki, videoservisin Shorts bölməsində Dream Screen adlı funksiyanın yenilənmiş versiyası istifadəyə verilib. Bu, Shorts videolar üçün süni zəka vasitəsilə dinamik fon təsvirlərinin tərtibatı funksiyasıdır. Daha öncə sözügedən funksiya fon qismində dinamik təsvirlər deyil, statik fotolar tərtib etməyə imkan verirdi. Dream Screen funksiyasının yeni imkanı Google DeepMind Veo adlı süni zəka modelinin inteqrasiyası sayəsində mümkün olub. Bu, videoların tərtibatına istiqamətlənmiş süni zəka modelidir.

     O, 1080p keyfiyyətində videoların tərtib edilməsi imkanını verir. Yenilənmiş funksiyadan istifadə etmək üçün Shorts kamerasına daxil olmaq və yaşıl ekran işarəsini seçərək Dream Screen bəndini seçmək lazımdır. Daha sonra istifadəçi Shorts videoda istifadə etmək istədiyi dinamik fon görüntüsünü mətn formatında təsvirlər vasitəsilə daxil etməlidir. Bunu edəndən sonra isə animasiya tərzini seçmək və fon görüntüsünün tərtibatı prosesini süni zəkaya həvalə etmək lazımdır. Dream Screen öz növbəsində fon görüntüsünü bir neçə variantda tərtib edəcək və istifadəçi onlardan birini seçməli olacaq.

Bənzər xəbərlər

Sosial Media

Avtraliyada 16 yaşından aşaöı uşaqlar üçün sosial media platformaları qadağan olunacaq

Avstraliya 16 yaşına kimi olan uşaqlar üçün sosial şəbəkələrin qadağan olunmasını təklif edib.

Digər

Rusiyadan Google-a 20.000.000.000.000.000.000.000.000.000.000.000 dollar dəyərində cərimə!

Rusiya, Google-ı keçmişdəki məhkəmə işləri ilə əlaqədar cəzalarla birlikdə 20 desilyon dollardan çox bir məbləğdə ciddi bir cəriməyə məhkum edib.

Sosial Media

YouTube Premium Lite abunəlik tarifi yenidən istifadəyə veriləcək

YouTube 2023-cü ildə YouTube Premium Lite abunəlik tarifini ləğv etmişdi. Lakin görünür, videoservis bu abunəlik tarifini geri qaytarmağa hazırlaşır.

Sosial Media

YouTube real videonu süni zəka tərəfindən tərtib edilmiş videodan ayırma üsulunu işə salıb

Generativ süni zəka daha da təkmilləşib və artıq insanların real hesab etdikləri videoları tərtib edə bilir. İstifadəçilərdə bu mövzu istiqamətində doğru olmayan təsəvvürlərin yaradılmasının qarşısını almaq üçün YouTube yeni imkanı reallaşdırıb.

Sosial Media

YouTube istifadəçiləri 5 saniyədən sonra reklamı ötürmə imkanından məhrum olmağa başlayıblar

YouTube 1 il bundan öncə reklam bloklayıcıları ilə mübarizə aparmağa başladı. Nəticədə reklam bloklayıcılarından istifadə edənlər YouTube-da video izləməkdə çətinliklər yaşamağa başladılar.