Keçirilmiş Youtube Newfront adlı tədbir çərçivəsində videoservisin Shorts bölməsinə inteqrasiya edilmiş yeni reklam formatları elan edilib. Bundan sonra istifadəçilər daha öncə Youtube-un özündə olmuş, lakin Shorts-u əhatə etməmiş reklam kampaniyalarını Shorts-da işə sala biləcəklər. Qeyd etmək lazımdır ki, Youtube-un özündə olan reklam kampaniyalarında neyron şəbəkələrindən istifadə edilir. Youtube-da sərgilənən 5 saniyəlik və ya ötürülməsi mümkün olmayan reklamlar məhz neyron şəbəkələri vasitəsilə daha çox istifadəçi kütləsini əhatə edirlər.

    Bundan sonra isə reklamçılar şaquli formatda olan 60 saniyəlik reklamları həmçinin Shorts videolarına da yerləşdirə biləcəklər. Daha öncə reklamçılar Shorts videolarına reklamları yalnız Video Action və App Install kampaniyaları vasitəsilə yerləşdirə bilirdilər. Youtube-da reallaşdırılmış yeni reklam formatının birinci partnyorlarından biri də Paramount+ streaming servisi olub. Sözügedən streaming servisi öz filmlərindən birini təkcə Youtube-un əsas hissəsində deyil, həmçinin canlı yayımlarda və Shorts videolarında reklam edib. Youtube-un fikrincə bu cür format reklam elanının effektivliyini yüksəldir və onun istifadəçilərin yaddaşlarında daha yaxşı şəkildə qalmasına imkan verir. Hal hazırda Youtube Shorts aylıq 1.5 milyard izləyici kütləsinə sahibdir.