YouTube Shorts videolarının gündəlik baxış sayı 200 milyardı keçib

     YouTube yeni bir həddi aşdı. Baş direktor Neal Mohan-ın sözlərinə görə, YouTube Shorts platformasında qısa videoların orta gündəlik baxış sayı artıq 200 milyarda çatıb. O bu barədə “2025 Cannes Lions International Festival of Creativity”də çıxışı zamanı danışıb. Bu rəqəm çoxdur, yoxsa az? Keçən illə müqayisədə gündəlik auditoriya təxminən 186% artıb. Halbuki 2024-cü ilin mart ayında YouTube bildirmişdi ki, Shorts videoları gündə orta hesabla 70 milyard dəfə izlənilir. Qeyd edək ki, qısametrajlı videolar YouTube platformasında ilk dəfə 2021-ci ildə istifadəyə verilib.

     Mohan həmçinin bildirib ki, hər gün izləyicilər televizorlarında YouTube platformasından 1 milyard saatdan çox kontent izləyirlər. Bu rəqəm heyrətamizdir, lakin təəccüblü deyil, çünki may ayında YouTube ardıcıl dördüncü ay olmaqla Nielsen-in The Gauge hesabatında birinci yeri tutub. Bu isə o deməkdir ki, YouTube bütün digər streaming platformaları və kanallar arasında ən çox izlənilən olub. Həmin ay ərzində ümumi televiziya baxışlarının 12.5%-i YouTube-un payına düşüb. Bu da The Gauge tərəfindən hesabatda qeyd olunan bütün platforma və kanallar arasında ən böyük tamaşaçı payıdır.