Dəyişikliklər, silah təhlükəsizliyi tərəfdarlarının, YouTube-u silah videolarının saytın ən gənc istifadəçilərinə çatmaması, uşaqları zədələməməsi və ya onları ekstremizm və zorakılıq yoluna aparmaması üçün tədbirlər görməyə çağırdıqdan sonra edilib. Odlu silahlarla bağlı siyasət, 2024-cü il iyunun 18-də qüvvəyə minəcək. Tech Transparency Project-in direktoru Katie Paul, dəyişikliyin düzgün istiqamətdə atılmış addım olduğunu bildirib. Bununla belə, YouTube-un yeni siyasəti dərc etməsinin niyə bu qədər uzun çəkməsi və daha da əhəmiyyətlisi, yeni qaydanın effektiv şəkildə tətbiq edilib-edilməyəcəyi böyük sual işarəsidir. Çünki zorakılıq və ya qanlı məzmunla bağlı YouTube-un öz siyasətini pozan videolara rast gəlmək mümkündür.

     YouTube bildirir ki, siyasət dəyişiklikləri son illərdə daha çox yayılmış 3D çap ilə hazırlanan silahlar kimi yeni inkişafları əks etdirmək üçün nəzərdə tutulub. YouTube, 17 yaşından kiçik istifadəçilərdən videolara baxmağa başlamazdan əvvəl valideynlərindən icazə almağı tələb etsə də, 13 yaşından kiçik istifadəçilərin hesabları valideynin hesabına bağlanır.